КАМБАҒАЛЛИКНИ ҚИСҚАРТИРИШ БЎЙИЧА ВАЗИФАЛАР БЕЛГИЛАНДИ

Ўзбекистон Республикаси Президентининг 2020 йил 27 февралдаги “Ҳудудларда тадбиркорликни ривожлантириш орқали камбағалликни қисқартириш” тўғрисида ўтказилган видеоселектор йиғилишида берилган топшириқлари ижроси юзасидан туманда режа график ишлаб чиқилиб, ҳудудларда ишчи гуруҳ томонидан ўрганиш ишлари олиб борилмоқда.

Ўраганишлар давомида маҳаллаларда ижтимоий ҳимояга муҳтож, кам таминланганлар рўйхатида турувчи оилалар ҳолати бирма-бир кўриб чиқилмоқда. Хусусан куни кеча Оёқдўрман қишлоғининг “Халқобод” маҳалласида бўлиб ўтган йиғилишда ана шу масалалар муҳокама қилинди.    

Йиғилишда сектор раҳбарлари, секторларнинг ишчи гуруҳ аъзолари, маҳалла фуқаролар йиғини раислари ва уларнинг оила, хотин-қизлар ва ижтимоий-маънавий масалалар бўйича ўринбосарлари, идора-ташкилот раҳбарлари, масъуллар, камбағал оила вакиллари иштирок қилди. Йиғилишда камбағал оила тоифаларни камбағалликдан чиқариш бўйича вазифалар белгилаб олинди. Унга асосан Яқубов Зокир оиласига қорамол сотиб олиш учун, Қуронбоева Инобат оиласига 650 та жўжа сотиб олиш учун имтиёзли кредит ажратилди. Адамова Маҳбубага тикувчилик қилиш, фаолиятини йўлга қўйиш учун шароит яратилиб, туман ҳокимлиги кўмагида иш ҳажмини кенгайтириш мақсадида буюртмалар олиш режалаштирилди. Эндиликда тумандаги бошқа маҳаллаларда ҳам секторлар кесимида мазкур йиғилишлар ўтказилиши белгиланган.

Туман ҳокимлиги АХБОРОТ ХИЗМАТИ


Тарқатиш: Email Facebook Google LinkedIn Twitter VK VK Март 04, 2020 - Автор: Umida Nurmetova