Янгибозорда декабр ойи “Учинчи ренессанс пойдевори таълим ва тарбияда” ойлиги деб эълон қилинди

Ўзбекистон Республикаси Президентининг 2022 йил 3 февралдаги “Халқ таълими тизимини ислоҳ қилиш бўйича қўшимча чора-тадбирлар тўғрисида”ги ПФ-22-сонли фармойиши ҳамда Ўзбекистон Республикаси Президентининг 2022 йил 19 январдаги “Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида”ги ПҚ-92-сонли қарорида берилган топшириқлар ижросини таъминлаш шунингдек туманда Халқ таълимини ислоҳ қилиш бўйича мактаб таълимини ривожлантириш дастурларида алоҳида эътибор умумтаълим мактабларида таълим сифатини ошириш, кадрлар салоҳиятини яхшилаш, ўқитувчи касбининг мақоми ва обрўсини кўтариш, самарали меҳнат фаолияти учун муносиб шароитлар яратиш, мактаб ва мактабдан ташқари таълим муассасалари моддий техник базасини яхшилаш, Янги Ўзбекистон тараққиёти, бой маданий-тарихий мерос, миллий урф одат, ватанпарварлик ва умуминсоний қадриятлар ғоялари асосида етук авлодни тарбиялашга, таълим муассасаларида маънавий муҳитни соғломлаштириш мактаб, мактабгача таълим ташкилотларини энг замонавий қиёфага киритиш, аҳолининг таълим муассасаларидаги таълим-тарбия жараёнларига дахлдорлик ва масъулият туйғуларини кучайтириш ҳамда оила-маҳалла-мактаб ҳамкорлик тизимини мустаҳкамлаш мақсадида қабул қилинган 2022 йил 9 декабрдаги Қарорига асосан Янгибозор туманида декабрь ойи ўқувчи, тарбияланувчи ва ўқитувчиларга муносиб шароит яратиш, мактаб, мактабгача таълим ташкилотларини энг замонавий қиёфага киритиш, куз-қиш мавсумини беталофат ўтказиш тадбирларини тизимли амалга оширишга қаратилган “Учинчи ренессанс пойдевори таълим ва тарбияда” ойлиги деб эълон қилинди.

Ойлик доирасида таълим ташкилотларида амалга оширилган ишларда ўзларининг самарали ташаббусларини инобатга олган ҳолда  “Энг фаол ҳудуд раҳбари”, “Энг фидоий маҳалла раиси”, “Ташаббускор тадбиркор”, “Ташаббускор фермер”, “Энг фидоий ҳоким ёрдамчиси”, “Энг фидоий ёшлар етакчиси”, “Энг жонкуяр ота-она”, “Таълим тарбия ҳомийси”,  “Таълимга инвестиция киритган фермер” каби номинацияларни эълон қилинади ва ушбу номинация ғолиблари рағбатлантирилади.

Шунингдек, фаол иштирок қилган таълим муассасалари ўртасида “Энг намунали мактабгача таълим ташкилоти”, “Энг намунали мактаб”, “Энг намунали таълим муассасаси” танловлари, мактабларинг спорт заллари, фаоллар залларида ёшларнинг бўш вақтларини мазмунли ташкил қилишга қаратилган маънавий-маърифий тадбирлар, шеърият оқшомлари ва спорт мусобақалари ўтказилади.


Тарқатиш: Email Facebook Google LinkedIn Twitter VK VK Декабрь 11, 2022 - Автор: Umida Nurmetova