Амалий семинар ўтказилди

Янгибозор тумани Ҳамид Олимжон маҳалласидаги фуқаролар М.Матмуротов ва Т.Матмуротовнинг дала томорқа ер майдонида туман фермер, деҳқон хўжаликлари ва томорқа ер эгалари Кенгаши ҳамда туман маҳалла ва оилани қўллаб-қувватлаш бўлими билан биргаликда аҳоли томорқаларидан самарали фойдаланиш, йилиги 2-3 мартадан хосил олиш, томорқада картошка, сабзи, қовун етиштириш ва парваришлаш бўйича амалий семинар ўтказилди.

Семинарда маҳалла раислари ва томорқа ва ободонлаштириш бўйича раис ўринбосарлари, ҳамда ушбу маҳалладаги томорқа ер эгалари иштирок этдилар.

Ушбу семинарда уста деҳқонлар томонидан томорқада картошка, сабзи ва қовун етиштириш ва уларни парваришлаш бўйича семинар иштирокчиларига тушунтиришлар берилиб, эртанги экинлардан бўшайдиган майдонларга такрорий экин экишни ташкил қилиш бўйича ҳам маҳалла раисларининг томорқа ва ободонлаштириш бўйича маслаҳатчиларига топшириқлар берилди.

Шунингдек экинларни ўз вақтида парваришлаш ва агротехник тадбирларни бажариш бўйича тажриба алмашилди.Маҳалла ва оилани қўллаб-қувватлаш бўлими раҳбари таклифи билан тумандаги маҳаллаларда ҳафтанинг ҳар жума куни томорқа ер майдонларида семинар ташкил қилиниб деҳқончилик бўйича алмашиш семинарларини ўтказишга келишиб олинди.


Маҳалла ва оилани қўллаб-қувватлаш туман бўлими, деҳқон хўжаликлари ва томорқа ер эгалари Кенгаши


Тарқатиш: Email Facebook Google LinkedIn Twitter VK VK Июнь 04, 2021 - Автор: Allabergenov Dilmurod