Тадбирнинг очилиш қисмида туман ҳокимининг хотин-қизлар масалалари бўйича маслаҳатчиси М.Машарипова иштирокчи қизларни байрам билан табриклаб, Республикамизда қизлар камоли ва бахти йўлида яратилаётган имкониятлар, давлатимиз раҳбари томонидан берилаётган эътибор ва натижада туманимиз қизлари томонидан турли соҳаларда эришилаётган ютуқлар ҳақида гапирди.

Тадбир давомида кичиқ ёшли иштирокчи қизлар ўртасида баҳру-байт айтишуви, ўрта ва катта ёш қизлар ўртасида “Энг чиройли байрам табриги муаллифи” номинациялари бўйича беллашув ташкил қилинди. Тадбир ҳақиқий қизлар байрами сифатида кўтаринки руҳда ўтказилди. Тадбир сўнгида ташкилотчилар томонидан қизларга фахрий ёрлиқ ва эсталик совғалар топширилди. 

Д.Тажимуратова. туман Маънавият ва маърифат бўлими бош мутахассиси.   

Октябрь 11, 2021
Муҳаррир: Umida Nurmetova
Кўришлар сони: 696 марта