Тадбирга 500 нафарга яқин халқ таълими, мактабгача таълим вакиллари, фахрий устозлар таклиф қилинди. Байрамда туман ҳокими Ўктам Қурбанов, вилоят халқ таълими бошқармаси бошлиғи Ҳамро Бектимиров, туман сектор раҳбарлари иштирок қилиб, фаол ва фахрий устоз мураббийларга эсталик совғалар топширилди. Байрам тадбирига келган соҳа фидойиларининг барчасига туман ҳокимлиги томонидан байрам совғалари тарқатилди.Байрам муносабати билан 10-айрим фанлар чуқур ўрганишга ихтисослаштирилган мактаб интернатининг ўқув ишлари бўйича директор ўринбосари Сўнажон Юсупова, 3-мактабнинг ҳуқуқ фани ўқитувчиси Иззатбек Эшчанов, 25-мактабнинг француз тили фани ўқитувчиси Дилбар Элтазарова, 29-мактабнинг жисмоний тарбия фани ўқитувчиси Илхомбой Юлдошевлар халқ таълими вазирлиги томонидан “Халқ таълими аълочиси” кўкрак нишонлари билан тақдирландилар. 30-сон мактаб директори Насиба Искандарова “Халқ таълими фидойиси” кўкрак нишони билан мукофотланди. Бу мукофотлар бутун туманимиз аҳли учун улкан қувонч нишонаси бўлди.

Янгибозор туман ҳокимлиги Матбуот хизмати

Октябрь 01, 2021
Муҳаррир: Umida Nurmetova
Кўришлар сони: 600 марта