Bu borada, O'zbekiston Respublikasi “Zulfiya” nomidagi Davlat mukofotiga taqdim etish bo'yicha tegishli yo'riqnomaga ko'ra, tavsiya etiladigan nomzodlarga vatanparvarligi, ma'naviy yetukligi, a'lo hulqi, noyob iste'dodi, zukkoligi, tashabbuskorligi, o'qishdagi muvaffaqiyatlari hamda ta'lim, fan, adabiyot, madaniyat, san'at, sport, axborot texnologiyalari sohalarida va jamoatchilik faoliyatida erishgan alohida yutuqlari, shuningdek, Vatanimiz tarixi, milliy allomalarimiz va jahon madaniyati merosini yaxshi egallaganligi bilan ajralib turishi kabi umumiy talablar qo'yiladi.

Shuningdek, talabgorlardan siyosiy-ijtimoiy hayotda faol, tashabbuskor bo'lishi; tanlagan sohasida Respublika hamda xalqaro miqyosdagi tanlovlar va tadbirlarda yutuqlarni qo'lga kiritgan bo'lishi, xorijiy tillarni bilishi, yetakchilik va notiqlik qobiliyatlariga ega bo'lish ham talab etiladi.

“Zulfiya” nomidagi Davlat mukofoti nomzodlari adabiyot, san'at, fan, ta'lim, madaniyat, sport, axborot texnologiyalari va jamoatchilik kabi yo'nalishlar bo'yicha tegishli mezonlar asosida baholanadi.

“Zulfiya” nomidagi Davlat mukofotiga nomzodlar hujjatlari Yangibozor tumani hokimligi qoshida tashkil etilgan komissiya tomonidan 2024-yil 15-oktabrdan 25 -oktabrgacha qadar qabul qilinadi.

Октябрь 17, 2024
Муҳаррир: Umida Nurmetova
Кўришлар сони: 119 марта